ENSINANDO A TOCAR O DIATO:

A miña teima é facer unha achega a un instrumento popular moderno e en pleno desenvolvemento e auxe.

Estruturo o programa de aprendizaxe en catro anos e inclúe aspectos relacionados ca propia técnica e desenvolvemento do instrumento, alén doutros relacionados ca organoloxía, historia, harmonía tradicional, xéneros na música tradicional e popular, repertorio das culturas onde o instrumento é protagonista, desenvolvemento escénico, etc.

Obxectivos que pretendo:

Dotar aos asistentes (tanto nun campo profesional como amateur) dunha solvencia suficiente para a interpretación do instrumento, incluíndo aspectos seguintes:

• Adoptar correcta posición corporal, garantindo a maior efectividade posible, evitando lesións non desexadas e proporcionando capacidade de desfrute.
• Coñecer as posibilidades e características sonoras, e ser quen de aproveitalas na interpretación.
• Coñecer a técnica básica que permita a interpretación solvente en público.
• Fomentar e desenvolver técnicas de estudo, hábitos correctos e eficaces.
• Crear no alumnado sensación de “comunidade” por pertencer a unha familia de instrumentos e xerar aprecio e respecto por un medio de expresión que será vital no seu día a día.
• Coñecer o patrimonio inmaterial a través das músicas tradicionais, coñecendo, distinguindo e analizando os diferentes xéneros, tanto galegos coma foráneos.
• Dotar dos coñecementos básicos de harmonía para o correcto desenvolvemento do arranxo e a composición a través do acordeón diatónico.
• Desenvolver a concentración e a audición como exercicios vitais.
• Integración, en agrupacións, concertos “de cámara”, ou mesmo preparación para a participación en ensembles de carácter profesional.
• Respecto polo propio traballo e o dos demais, fomentando o compañeirismo e capacidade de disciplina.

Profesores de música que queiran achegarse a un nivel básico, cara un instrumento harmónico e portátil como complemento ó seu labor docente